La sekva kluba kunveno okazis en MOK la 23 an de marto.
En la programo estis pritrakto de aktualaj aferoj rilataj al la vojaĝo de la grupo al Bjalistoko kaj Graz, kaj ankaŭ filmo kaj prezentaĵo.
En Bjalistoko la grupo, krom vizito de la urbo kaj ĝia ĉirkaŭaĵo kaj renkontiĝo kun lokaj esperantistoj, partoprenos en solena metado de floroj ĉe la monumento de Ludoviko Zamenhof okaze de la 109 a datreveno de lia morto. Kunorganizantoj estas la urbestraraj aŭtoritatoj.
La sekva punkto de la kunveno estis spektado de filmo, kiu en bilda kaj sprita maniero propagandas Esperanton, preparita de nia kolego Jarosław Szewczyk per utiligo de Artefarita Inteligento.
Post la filmo la partoprenantoj aŭskultis prelegon, ilustritan per tiutempaj fotoj, preparitan de Bożena kaj Marian Kocyk kun la titolo “Amo aŭ trono”, pri la plej fama amhistorio de la 20 a jarcento, tio estas tiu de la angla reĝo Eduardo la 8 a kaj sinjorino Simpson.
Ni finis la kunvenon babilante ĉe kafo kaj teo.
Bożena Kocyk